MARCHBanner-728x90

Articles

Droogte in die bedryf?

Feb2016-1Die Magaliesberg, waar ek woon, is groen na die onlangse goeie reën wat oor Pretoria uitgesak het. Dit is ’n plesier om in die berg te loop en al die veldblomme, voëls en ander diere waar te neem. Water bring altyd lewe.

Ander dele van die land is egter nog kurkdroog. Fritz Rabé vertel my onlangs van die hoë temperature op die wildplaas, die weidingskaarste en die skade wat die droogte aan die wild doen. Dié week het ek ook ’n brief van Dennis Henderson, een van Africa’s Bowhunter se lesers, ontvang. Dennis vertel hoe teleurgesteld hy was toe hy onlangs sy swaer se plaas besoek het. Hy skryf: “Ek het geen insekte gedurende die dag gesien nie en het ook bykans geen slangsleepsels gewaar in die paadjies waar ons gery het nie. Dit was so stil gedurende die dag dat my ore getuit het. Ek het toe besluit om die veld te voet aan te durf en het net op een miskruier afgekom waar hy besig was om ’n gat te grawe. Hy was halflyf in die gat en dood. Ek het net een koringkriek gesien, gewoonlik is daar baie. daar was nie miskruiers nie, nie oogpisters nie, nie sandkewers, duisendpote en goue wawielspinnekoppe nie, en ook nie toktokkies, baardskeerders of boomkoggelmanders nie! Net voor donker het ek weer ’n draai gestap om te sien of die insekte nie dalk in die nag rondbeweeg omdat dit bedags so warm was nie. Maar nee, die veld was net so verlate.” En só gaan Dennis voort. Dit is duidelik – die droogte doen baie skade en baie reën is bitter nodig.

Ek besoek my neef in die hospitaal en loop daar ’n boervrou van Hartswater raak. Haar man is ook geopereer en lê langs my neef. Sy hoor ons praat oor die droogte en dat die boere dringend reën nodig het. Dit is klaar te laat vir ’n mielie-oes, sê sy. Baie tonne mielies sal ingevoer moet word. Dan vertel sy hoe droog dit in hul omgewing is... Dit is hartseer. Ons skud maar net ons kop. Wat kan ’n mens sê?  

Deesdae voel dit asof daar ook ’n droogte in die ekonomie is. Ondernemings sukkel om kop bo water te hou en selfs die boogbedryf is nie wat dit was nie. Boogtoerusting het baie duurder geword omdat die rand so sukkel en jagpryse het amper verdubbel. 'n Mens wonder wat gaan aan in die wêreld. Dit is kompleet asof daar ’n komplot teen ons gesmee word... Ek hoor die Rand gaan nóg verswak – miskien nog heelwat. Dan gaan dinge glo omswaai en beter word. Daar is tog lig in die tonnel.

Die hele land bid vir reën en terwyl ek tik, hoor ek daar steek reënwolke op oor die Vrystaat. Dankie, Here, dink ek. Daar is altyd ’n uitkoms en daar is altyd nuwe planne wat ’n mens kan beraam. Ons moet ons voorberei vir die droogtes in die lewe. Hulle is maar altyd daar. In Laatlos, ons sustertydskrif, plaas ons baie berigte oor hoe om selfversorgend te word, minder afhanklik te wees en hoe om vir enige gebeurlikheid voor te berei.

Dat die mens planne kan maak, nuwe dinge kan uitvind en nie uitgelewer is aan sy omstandighede nie, is wat die mens onderskei van die diere van die veld. Is ons nie die kroon van die skepping nie? Die mens aan die suidpunt van Afrika lewe in ’n harde land en ons is geharde mense. Hier pas ons nog altyd aan en maak planne om te oorleef. Ons buig net ons knieë voor die Here en nie uit wanhoop nie.

Dit is duidelik dat daar weer baie nuwe en interessante boë en boogskiettoerusting by vanjaar se ATA Skou in Louisville in die VSA uitgestal was. Die sogenaamde "Airbow" het gewis aandag getrek en so ook die bekendstelling van die 2016-boogreekse van die verskillende boogvervaardigers. Lees gerus meer daaroor in dié uitgawe.

Harry Marx het die Mathews Halon 6 getoets en is baie opgewonde oor dié boog en Cleve Chene skryf oor hoe om njalas te jag en oor 'n makliker manier om diere tevoet te jag. Ons hoop jy geniet die uitgawe en dat daar vir al Africa's Bowhunter se lesers 'n besonderse boogskiet- en jagjaar wag.

Groete

Rean Steenkamp

Redakteur

 

 

Read Africa's Bowhunter online

Clan

Here you will be able to get all the information you need when you are interested in bowhunting.

CoversRFL2
Read all the back-issues of Africa's Bowhunter magazine from 2010 to the most current issue

Articles

Read articles written by some of the most experienced home grown bowhunters South Africa has to offer.

ShotPlace

Find the correct shotplacement here.

... and much more!!

Jan2016 Vol Page 01

 

Reed me online!!! 

 


www.africanarcher.com

AfricanArcher


 OUR FORTH EDITION IS OUT...

Picture-2015-12-01-at-6.10.47-PM.jpg  pic8.jpg

pic6.jpg

pic3.jpg

Lees meer, besoek ons webtuiste <<< kliek hier


 

trophyroom

Our new Trophy room

Please visit


Farmev

Farm evaluations

See for yourself


I SAY...

"Patience is just a very slow way of getting really angry"

"People never grow up, they just learn how to act in public"

"The greatest pleasure in life is doing what people say you cannot do."
- Walter Bagehot

"Don't Do Something Permanently Stupid, Just Because You Are Temporarily Upset."