MARCHBanner-728x90

September-2017 Cover 30000

Niks bly ooit dieselfde nie... en daarby
moet ons aanpas!

Nog ’n jagseisoen is verby! Nie minder as sewentien jagseisoene het verbygevlieg sedert Africa’s Bowhunter sy eerste verskyning op die winkelrakke gemaak het nie. Hoe het boogjag nie sedertdien gegroei nie!
 
Aan die begin was daar net twee boogskietwinkels in Pretoria en net ’n handjievol in die hele land. Daarna het daar oral boogwinkels verskyn – bykans in elke stad en op elke dorp.

Destyds was daar net ’n paar jagplase wat boogjag toegelaat het, maar oor die jare het al meer plase skuilings begin bou en boogjagters genooi om by hulle te gaan jag. Baie plase het hulle net op boogjag toegespits. Waar daar aan die begin tussen 20 en 40 deelnemers by boogskietbyeenkomste soos dié van SABA opgedaag het, het daar later meer as 200 boogskuts deelgeneem. Wonderlike jare vir boogjag en boogskiet het gevolg. Gedurende hierdie jare het Africa’s Bowhunter ’n magdom jagplase besoek en tot op hede net onder 200 uitgawes gepubliseer.
 
’n Paar jaar gelede het daar egter ’n insinking in die bedryf gekom en baie boogwinkels het hulle deure gesluit. Talle boogjagters het hulle boë opgehang en gewere aangeskaf. Dit was weer maklik om ’n geweerlisensie te bekom en baie jagters is terug na hulle roers gelok.
’n Groot getal plase het hulle deure vir jag toegemaak om kleurvariante wild te teel en boë se pryse het weens die swak wisselkoers die hoogte ingeskiet. Niks hiervan was goed vir die boogbedryf nie.
 
Gelukkig kom daar ’n einde aan alles. Talle jagplase begin nou weer jagters nooi en jagters begin hulle boë afstof. Hoewel baie minder mense dit kan bekostig om nuwe boë te koop, floreer die tweedehandse boogmark. Die boogjagbedryf is weer op dreef, en te oordeel aan die getal trofeefoto’s wat aan gedurende die 2017-jagseisoen aan Africa’s Bowhunter gestuur is, was die oes baie groot.
 
Die wêreld verander egter elke paar dekades en dié veranderings gebeur al hoe vinniger. Só het die mediabedryf ook verander en dus ook die gedrukte media. Wat op ’n stadium ’n groot en winsgewende bedryf was, is nou ’n bedryf wat al hoe meer onder druk kom weens die internet en sosiale media.
 
Die internet en sosiale media maak dit vir mense moontlik om bykans enigiets dadelik op te spoor, of dit nou produkte of inligting is. As jy wil weet hoe om ’n “string loop” op jou snaar te sit, tik jy net ’n sinnetjie in en siedaar, jy ontvang ’n reeks instruksies en YouTube video’s om jou te wys hoe. Sodra ’n nuwe boog die lig sien, word dit deur ’n klomp mense getoets en binne ’n paar dae is ’n magdom resensies beskikbaar.
 
Die internet het die media uit die hande van die formele media geneem en dit vir enigeen moontlik gemaak om sy of haar produk, sienswyse of wat ook al met die hele wêreld te deel. So versprei wêreldnuus soms baie vinniger as wat selfs die bekendste koerante of TV-kanale dit kan doen. Ongelukkig versprei vals nuus ook vinnig op dié manier en word fopnuus en vals inligting ’n al groter probleem. Wanneer nuus in die formele media verskyn het, het ’n mens geweet daar steek waarheid in, maar nuus wat informeel op sosiale media versprei word, is dikwels heeltemal vals. Dit is ook baie moeiliker om mense in die informele media te vervolg as in bekende koerante, TV-kanale, radiostasies of tydskrifte.

Wanneer iemand ’n produk maak, soos ’n stoel of ’n tafel, is die materiaalkoste baie minder as wat vir die eindproduk gevra word. Die rede is natuurlik dat die arbeider vir sy werk beloon moet word. Die skrynwerker werk dus sy produksiekoste en -tyd in by die materiaalkoste en verkoop dan die stoel of tafel teen ’n groot genoeg wins om sy brood te verdien. Só werk dit met die meeste produkte. Publikasies werk egter anders. Een van die probleme met koerante en selfs

tydskrifte is dat dit van papier gemaak word en ’n rakleeftyd het. Mense is nie bereid om baie vir die produk te betaal nie. Die koerant of tydskrif kan egter nie bestaan bloot deur die publikasie self te verkoop nie. Die rakprys verhaal nie naastenby die produksiekoste nie, daarom moet die publikasie deur advertensies “geborg” word. Omdat boeke in ’n boekrak gebêre word en as versamelstukke beskou kan word, is dit nie nodig om boeke met advertensies te subsidieer nie, hoewel dit dikwels gedoen word. Tydskrifte en koerante is egter ’n perd van ’n ander kleur – advertensies is hul lewensbron.

Sake het egter oor die laaste drie jaar verander. Baie produsente adverteer nie meer in publikasies nie, maar gebruik sosiale media. Hulle skep hulle eie webruimtes en stuur self nuusbriewe aan hul kliënte. Daarom is databasisse deesdae so gesog en word dit ten duurste verkoop en soms selfs gesteel. Hoe groter jou databasis, hoe meer mense kan jy elektronies bereik.

Dit raak al hoe moeiliker vir publikasies om te bly voortbestaan en al hoe meer tydskrifte en koerante verdwyn. ’n Mens hoef net ’n klein bietjie navorsing op die internet oor dié onderwerp te doen om te sien watter koers ingeslaan word. Baie mense sê prontuit dat die dae van die gedrukte media getel is. Dit is dalk só. Iewers in die toekoms sal ons sien wat die waarheid is.

Baie kenners is egter van mening dat nistydskrifte soos Africa’s Bowhunter tog ’n bestaansreg het en dat nie al die tydskrifte van die rakke af sal verdwyn nie. Wanneer jy by van die kettingwinkels instap en sien hoeveel tydskrifte daar nog op die rak pryk, lyk dit tog of die voorspelling waar kan wees.

Dinge gebeur nie altyd soos ons verwag dit sal gebeur nie. ’n Paar jaar gelede het die verkope van gedrukte boeke baie afgeneem en al hoe meer elektroniese boeke is verkoop. Ongeveer twee jaar gelede het sake egter verander en het gedrukte boeke se verkope weer begin styg en die verkope van elektroniese boeke verbygesteek. Wie van ons kan die
toekoms voorspel?

Die hede is egter die hede en dit is nie meer vir Africa’s Bowhunter winsgewend om op die rak te verskyn nie. Van dié uitgawe af sal die tydskrif net elektronies beskikbaar wees en net in gedrukte formaat aan intekenare en boogwinkels gestuur word. Die tydskrif word dus steeds gedruk, maar word nie meer aan alle winkels en boekwinkels deur RNA versprei nie. Indien iemand belangstel om dit te verkoop, sal hulle Africa’s Bowhunter moet kontak en die tydskrifte sal direk aan hulle gestuur word.

Terselfdertyd sal Africa’s Bowhunter baie meer aandag skenk aan die elektroniese tydskrif en ook begin om ’n weeklikse nuusbrief en ander inligting aan intekenare op die gedrukte en die elektroniese tydskrif te stuur.

Indien enigiemand egter op die gedrukte tydskrif inteken, sal hulle ook ’n elektroniese intekenings ontvang.

 

God se seën
Rean Steenkamp
Redakteur

 

Read Africa's Bowhunter online

Clan

Here you will be able to get all the information you need when you are interested in bowhunting.

CoversRFL2
Read all the back-issues of Africa's Bowhunter magazine from 2010 to the most current issue

Articles

Read articles written by some of the most experienced home grown bowhunters South Africa has to offer.

ShotPlace

Find the correct shotplacement here.

... and much more!!

Jan2016 Vol Page 01

 

Reed me online!!! 

 


www.africanarcher.com

AfricanArcher


 OUR FORTH EDITION IS OUT...

Picture-2015-12-01-at-6.10.47-PM.jpg  pic8.jpg

pic6.jpg

pic3.jpg

Lees meer, besoek ons webtuiste <<< kliek hier


 

trophyroom

Our new Trophy room

Please visit


Farmev

Farm evaluations

See for yourself


I SAY...

"Patience is just a very slow way of getting really angry"

"People never grow up, they just learn how to act in public"

"The greatest pleasure in life is doing what people say you cannot do."
- Walter Bagehot

"Don't Do Something Permanently Stupid, Just Because You Are Temporarily Upset."

Noteworthy

For more info click on image

EcoTracker28Feb17


Bowhunting Course
with Adrian de Villiers

For more info click on the imageAdrian-course-1b
NyalasanRocks1
WOT
In need of:
Illustrations / Art / Logo design / webdevelopment
 ShotplacementShot placement >>View all

Things to know

RE: Trophy photos
Neem asseblief kennis
Geen onduidelike, onetiese, bloedbevlekte foto’s, asook foto’s van oneetbare diere en kopskote sal voortaan in ABH geplaas word nie. Die besluit is geneem agv algemene ontevredenheid en kritiek van ons lesers. 
Please take note
No blurry, unethical or blood stained photos, as well as photos of inedible animals or head shots taken will be published in ABH in future. This decision was taken as a result of general dissatisfaction and criticism from our readers.

trphies